PAGBITAW

PAGBITAW

Bakit ikaw pa yung aking minahal?

Kahit na sabihin ng iba na ako’y hangal.

Masisisi mo ba ako kung ikaw ang pinili.

Nitong puso kong ikaw lang ang tinatangi?

Sabihin man ng ilan na ito’y pagkakamali.

Hayaan mong ako’y nasa iyong tabi.

Kahit na batuhin man tayo ng mga batikos.

Aking tatanggapin,dahil mahal kang lubos

Mahal ko, dapat ba kitang tawagin sa salitang ito?

Kung iba naman ang nagmamay-ari sayo.

Magiging akin ka na lang ba sa panaginip?

Kung saan ang Pag-ibig ko lang ang ‘yung pansin.

Aanhin ko ang lahat ng bagay kung ang Puso’y walang laman.

Nang makilala ko ang pagmamahal mo,handa akong lumaban.

Ngunit kung ang dulot nito sa’yo ay sakit at kalungkutan.

Hahayaan na lang kitang maging malaya sa piling nya.

Sa simula pa lang alam kong kabiguan na ang mangyayari

Pero sumugal ako; ‘pag-ibig at kasawian ang aking pinili

Naging masaya ako sa tuwing ika’y kasama

Sulit din ang sakit dahil ika’y nakilala

Hayaan mong mahalin kita sa malayo

Ito na lang ang aking magagawa para sayo

Ipagkatiwala ka ulit sa mahal mong tunay

Ako’y patawarin sa aking pagbitaw.