Hangin

"Hangin"

Pagsinta ko sayo'y tulad ng hangin
di mo man makita o mahawakan
ni maitali o maihambing


dumadaan,umiikot,nbababasag
hanggang sa humupa
pero maya maya'y andyan ulit
nagpaparamdam ng presensya


di man sambitlain ng mga labi
sana mabatid mo kung gaano kita itangi
sabihin man nating ito'y komplikado
pagkat istorya nati'y di na bago

di na bago
dahil ito'y nahimlay ng kay tagal
nahimlay sa mga pag aagam-agam
sa mga baka sakaling di magtagpo
mga damdaming itinatago

Pagsinta ko sayo'y tulad ng hangin
nababatid ng bawat madaanan
ang kanyang lakas
lakas ng damdaming nag-iiwan ng mga bakas

na hanggang saking panaginip
naaalala ko ang iyong mga kapit
kung saan malaya akong isipin
na ako lang ang iyong iniibig

sino ba ang makakapagsabi
na ang hangin ay darating mamaya,
bukas
o sa ganitong oras

may makakapigil ba sa pagdating nito?
o meron bang makakapagplano?

hanggang kelan ka dadaanan
hanggang kelan ako magpaparamdam
upang iyong pahalagahan
ang aking pagmamahal

Pagsinta ko sayo'y tulad ng hangin
bumabalik at bumabalik
dumadating at dumadating
di papapigil kahit na basagin

Kung ang hangin ay may oras
ito ba ay iyong paglalaanan?
Kung ang hangin ay may wakas
ikaw rin ba ay magpapaalam?

sa mga oras na ikaw lang ang kasama
Anong ligayang walang maikukumpara
sa mga larawang ating pinagsamahan
salamin ng mga ngiting ating pinagsaluhan

sana sa bawat lakas ng pag-ibig
na ibinubuhos ng Hangin
sa bawat pagpupumiglas na damdaming
ibinubulong ng hangin

Sana
marining at iyong maramdaman

Pagsinta ko sayo'y tulad ng hangin
di mo man makita o mahawakan
ni maitali o maihambing

Nariyan lang naman palagi
Hinihintay lang na iyong mapansin

Iihip
aawit
daldahin ang mga mensahe
mag-ingat ka palagi

saan ka man makarating
susuportahan ka sa iyong mga pangarap
hayaang mong lagi kong ipabatid
kung gaano kita laging hinahanap

Namimiss na kita
sa paglipas ng mga araw
Naiisip kita
umaasang makasama ka balang araw

Hayaan mong ako'y manatili
manatili sa pagsintang inukit
ng mga bakas ng hangin
sa pusong ikaw lang ang ginigiliw

Pagsinta ko sayo'y tulad ng hangin
di mo man makita o mahawakan
ni maitali o maihambing

sana iyong mabatid ito'y
di nagmamaliw ..