Sa Pagtago may naghihintay

Sabayan mo ko sa pagbilang ng sampu

At sabay tayong magtago

Ng katotohanang di na magbabago

Itong damdaming minsa’y pinagtagpo

Naglahong parang bangkang papel

Sa tubig na di naman ganun kalalim

Ika’y lumubog at di na umahon

Masdan ma’y di na babangon

Inayos man ng kaytagal

Yung hinihintay na makasabay

Kahit sa paglakad lang pauwi

Minamasdan ang dating aninio

Na dati’y may kaparehas

Sinusundan ang mga bakas

Ng mga baka sakali

Na ika’y duon maparaan

Laging hiling na ika’y makasama

Sa simpleng panaginip ay madama

Muli,ang yung yakap na saki’y nagpaasa

Ng mga salitang di ka mag-iisa

Di man kita masilayan ng malapitan

Hayaang baunin ko ang ating mga pinagsamahan

Ng kahapong kaysarap balikan

Hinihintay pa rin kita

Kahit matapos na ang bilang

At ika’y nakatago pa rin

Hahayaan kita sayong panahon

Isipin ang dapat isipin

Hanapin ang dapat hanapin

Hwag kang mag-alala

Matapos man ang bilang ng sampu

Pwede ko pa rin balikan ang simula

Dahil ang lahat ng tapos

Ay laging may panimula

Ihanda ang sarili

At sa pagbalik mo muli

Atin nang itigil ang pagbilang

Ang aRaw ma’y sumikat, Itong tala’y

Sa ulap HanAp pa rin